సాయి ప‌ల్ల‌వికి.. ‘కోపం వ‌చ్చిందే’

‘ఫిదా’ సినిమాతో తెరంగేట్రం చేసిన సాయిపల్లవి తెలుగువారందర్నీ ఫిదా చేసేసింది. అద్భుతమైన నటన, డబ్బింగ్‌తో తెలుగువారిని మెస్మరైజ్‌ చేసింది. ‘ప్రేమమ్‌’ సినిమాతో దేశవ్యాప్తంగా పేరు సంపాదించుకుంది సాయి పల్లవి. ఫిదా చిత్రంలో సాయిప‌ల్ల‌విని చూసిన యువ‌త నిజంగానే ఫిదా అయిపోయారు. అంతేకాదు.. ఫిదా.. ఇచ్చిన కిక్‌తో ఇటు తెలుగు ఇండ‌స్ర్టీతోపాటు.. అటు త‌మిళ ఇండ‌స్ర్టీలోనూ సాయి ప‌ల్ల‌వికి అవ‌కాశాలు వెల్లువెత్తుతున్నాయి.

ప్రస్తుతం నాని జోడీగా ‘మిడిల్ క్లాస్ అబ్బాయి’ చేస్తోన్న సాయిపల్లవి, శర్వానంద్ సరసన కూడా ఒక సినిమా చేయనుంది. ఇక తమిళంలోను రెండు మూడు సినిమాలు ఆమె చేతిలో వున్నాయి. అయితే.. ప్ర‌స్తుతం సాయిప‌ల్ల‌వి ఓ త‌మిళ హీరోతో క్లోజ్‌గా ఉంటుంద‌నే పుకార్లు షికార్లు కొడుతున్నాయి. ఈ పుకార్ల‌లో మీడియా సైతం ఇన్వాల్వ్ కావ‌డంతో ఈ వార్త‌పై స్పందించింది సాయి ప‌ల్ల‌వి. అయితే మీడియాలో వ‌స్తున్న వార్త‌ల‌ను నేను ప‌ట్టించుకోన‌ని.. తాను మలయాళీనంటూ మీడియా పేర్కొనడం పట్లనే తీవ్రమైన అసహనాన్ని వ్యక్తం చేసింది. నేను త‌మిళ అమ్మాయిని, న‌న్ను అలాగే గుర్తించండి అంటూ సాయి ప‌ల్ల‌వి మీడియాకు చెప్పుకొచ్చింది.