రాజుగారికి గ‌ట్టి దెబ్బే పడింది..!

అక్కినేని నాగార్జున, సమంత మెయిన్ లీడ్ లో ఓం కార్ దర్శకత్వంలో తెరకెక్కిన రాజుగారి గది 2 గత శుక్రవారం విడుదలై మిశ్రమ స్పందన తెచ్చుకుని.. సోలో పెరఫార్మెన్సు ఇస్తూ వచ్చింది. కానీ నిన్న బుధవారం రవితేజ నటించిన రాజా ది గ్రేట్ సినిమాతో రాజుగారి కలెక్షన్స్ మీద దెబ్బపడినట్లుగా చెబుతున్నారు. రాజుగారి గది 2 సినిమా మిశ్రమ స్పందన వచ్చినప్పటికీ మొదటి రోజు కలెక్షన్స్ కూడా బాగానే ఉన్నాయని,. కానీ రాజుగారి గది విడుదలైన రెండో రోజుకే కలెక్షన్స్ పడిపోయాయనే ప్రచారం జరిగింది. అందులోను రెండు తెలుగు రాష్ట్రాల్లో రాజుగారి గది పర్వాలేదనిపించినా.. ఓవర్సీస్ లో మాత్రం గట్టి దెబ్బె తగిలిందనే టాక్ ఉంది. ఓవర్సీస్ ప్రేక్షకులు రాజుగారి గది 2 ను రిజెక్ట్ చేశారనే న్యూస్ ఉంది. మరి అసలు ముక్కుతూ మూలుగుతూ కలెక్షన్స్ తెచ్చుకుంటుంటే ఇప్పుడు రవితేజ రూపంలో ‘రాజా ది గ్రేట్’ తో.. రాజుగారికి గట్టి దెబ్బపడింది అంటున్నారు.

రవితేజ నటించిన రాజా ది గ్రేట్ సినిమా పాజిటివ్ టాక్ తో థియేటర్స్ లో దూసుకుపోతుంది. రాజా ది గ్రేట్ మిశ్రమ స్పందన రాబట్టినప్పటికీ.. సినిమాలో కామెడీ ఎక్కువ ఉండడంతో ఈ సినిమా హిట్ అయ్యే ఛాన్స్ ఉందంటున్నారు. మరి దివాళీ కానుకగా విడుదలైన రాజా ది గ్రేట్ చిత్రం దిపావ‌లి సెల‌వ‌ల్ని బాగానే క్యాష్ చేసుకుంటుందని టాక్ వినబడుతుంది. అనిల్ రావిపూడి దర్శకత్వంలో తెరకెక్కిన ఈసినిమాలో రవితేజ అంధుడి పాత్రలో అదరగొట్టే పెరఫార్మెన్సు తో ఆకట్టుకున్నాడు. అలాగే రొటీన్ కథ అని అన్నప్పటికీ కామెడీతో కథలేకపోయిన ఓకె అనేలా మెస్మరైజ్ చేసాడు దర్శకుడు. మరి రాజుగారి గదిలో నాగార్జున నటన, సమంత పెరఫార్మెన్సు కూడా రాజా ది గ్రేట్ ముందు నిలబడేలా కనబడం లేదు. మరి రాజా ది గ్రేట్ ముందు రాజుగారి గది తోక ముడవాల్సిందే అని విశ్లేష‌కులు అభిప్రాయ ప‌డుతున్నారు.