అలిసి పోలేదు.. చేయ‌డం త‌గ్గించానంతే :శ్రుతిహాస‌న్‌

బ్యూటీ క్వీన్ శృతి హాస‌న్ మ‌రోసారి వార్త‌ల్లో నిలిచింది. సినిమాల‌తో వ‌చ్చే క్రేజ్ కంటే తెర వెనుక జ‌రిగే సంఘటనలతోనే శ్రుతిహాస‌న్‌కు మ‌రింత క్రేజ్ వ‌స్తోంది. అయితే, గ‌తంలో ఏడాదికి ఐదారు సినిమాలు చేసిన ద‌క్షిణాధి హీరియిన్ శ్రుతిహాస‌న్ ఈ మ‌ధ్య సినిమాల సంఖ్య బాగా త‌గ్గించిన విష‌యం తెలిసిందే.
అయితే, ప్ర‌స్తుతం ఈ బ్యూటీ ‘ఎప్పుడూ స్పీడు పనికిరాదు..’ అంటూ ఓ మీడియాకు ఇచ్చిన‌ ఇంట‌ర్వ్యూలో త‌న‌ మ‌న‌సులోని మాట‌ను బ‌య‌ట‌పెట్టింది శ్రుతి హాస‌న్.
ఈ మ‌ధ్య సినిమాలు బాగా త‌గ్గించ‌డానికి కార‌ణ‌మేంట‌ని ఎదురైన ప్ర‌శ్న‌కు.. “అవును, గతంలో సినిమాలు బాగా చేశాను. అయితే, ఎప్పుడూ ఆ స్పీడు పని చేయదు. అప్పుడ‌ప్పుడు కాస్త స్లో అవ్వాలి. నేనూ అదే చేస్తున్నాను. సినిమాల ఎంపికలో ఆచితూచి అడుగేస్తున్నాను. ఈ క్రమంలో సినిమాల సంఖ్య తగ్గింది” అని స‌మాధాన‌మిచ్చింది శ్రుతి హాస‌న్‌.