హైదరాబాద్ కు సన్నిలియోన్‌

జిస్మ్ 2 సినిమాతో బాలీవుడ్‌కి పరిచయమైన సన్నిలియోన్‌కి ఇక్కడి ఇండస్ట్రీలో ఎంత ఫ్యాన్ ఫాలోయింగ్ వుందో తెలిసిందే. ఆమెకి వున్న ఫ్యాన్ ఫాలోయింగ్ కేవలం ఉత్తర భారత దేశానికే పరిమితం కాదు… సౌతిండియాలోనూ సన్నీకి భారీ సంఖ్యలో ఫ్యాన్స్ వున్నారని కేరళలోని కొచ్చిలో ఓ ప్రైవేటు ఫంక్షన్‌లో పాల్గొనేందుకు సన్నిలియోన్ వస్తుందనే సమాచారం అందుకున్న ఫ్యాన్స్ ఆమెకన్నా ముందుగానే అక్కడికి చేరుకున్నారు. ఉదయం 8 గంటల నుంచే భారీ సంఖ్యలో అక్కడికి చేరుకున్న జనంతో కొచ్చిలోని ఎంజీ రోడ్ రద్దీతో కిక్కిరిసిపోయింది. సన్నీని ఒక్కసారైనా తనివితీరా చూడాలనే ఆశ ఆమె చుట్టూ చేరిన ఫ్యాన్స్‌లో కనిపించింది. అయితే  ఇప్పుడు సన్నీ హైదరాబాద్ రాబోతోంది. అంతే కాదు డ్యాన్స్ చేసి మెప్పించనుంది.

రాజశేఖర్ హీరోగా తెరకెక్కుతున్న గరుడ వేగ సినిమాలో ఐటెం సాంగ్ చేసి అలరిస్తున్న ఈ హాట్ సన్నీ హైదరాబాదీల మతి పోగొట్టేందుకు సిద్ధమవుతోంది. గరుడ వేగ ఆడియో రిలీజ్ ఈవెంట్ హైదరాబాద్‌లో ఈ నెల 27న జరపాలని చిత్ర యూనిట్ భావిస్తోంది. ఈ ఈవెంట్‌కి సన్నీ హాజరై ఓ సాంగ్‌కి పెర్ఫార్మ్ చేయనుందని సమచారం. ఇక సన్ని అభిమానులకు బాగ్య నగరంలో పండగే పండుగ.