ఏపీలో టీడీపీ నేత కుమార్తె దారుణ హత్య…

ఏపీలోని తూర్పుగోదావరి జిల్లాలో దారుణం జరిగింది. రామచంద్రాపురం నగర టీడీపీ అధ్యక్షుడు నదుల రాజు కుమార్తె జైదీపికను గుర్తు తెలియని వ్యక్తులు దారుణంగా హత్య చేశారు. తోటవారి వీథిలో ఇంట్లోనే రక్తపుమడుగులో ఆమె కనిపించింది. ఈ ఘటనకు సంబంధించి ఇద్దరు అనుమానితులను పోలీసులు అదుపులోకి తీసుకుని ప్రశ్నిస్తున్నారు. అందులో కూనపరెడ్డి మణికంఠ అనే వ్యక్తితో జై దీపికకు ప్రేమ వ్యవహారం ఉన్నట్లు సమాచారం. ఈ మేరకు అతనిని పోలీసులు విచారిస్తున్నట్లుగా తెలియవచ్చింది. నందుల రాజుకు బార్ అండ్ రెస్టారెంట్ ఉంది. రాత్రి 1-30 గంటలకు పనులు పూర్తి చేసుకుని కొడుకుతో సహా తండ్రి ఇంటికి వెళ్లేసరికి జై దీపిక తీవ్ర గాయాలతో ఉందని, హుటాహుటిన ఆస్పత్రికి తీసుకువెళితే చనిపోయిందని డాక్టర్లు చెప్పారని జై దీపిక సోదరుడు చెప్పారు. ఈ హత్యకు సంభందించిన పూర్తి విషయాలు తెలియాల్సింది