పరిటాల సునీతగా ర‌మ్య‌కృష్ణ‌..!

టాలీవుడ్ జ‌క్క‌న్న చెక్కిన బాహుబలి సిరీస్ చిత్రంలో శివ‌గామిగా అదరగొట్టిన రమ్యకృష్ణ, త్వరలో పరిటాల సునీతగా కనిపించబోతుందనే వార్త సినీ సర్కిల్లో చక్కర్లు కొడుతుంది. అయితే ఇదేదో వర్మ తెరకెక్కించబోయే లక్ష్మీస్‌ ఎన్టీఆర్‌, తేజ తెరకెక్కించబోయే ఎన్టీఆర్ బయోపిక్ సినిమాలలో అనుకుంటే మీరు పప్పులో కాలు వేసినట్లే. పరిటాల సునీతగా కనిపించబోతుంది నారా రోహిత్ నటిస్తున్న తాజా మూవీ బాలకృష్ణుడు లోనట. రాయలసీమ ఫ్యాక్షన్ వ్యవహారాల నేపథ్యంలో తెరకెక్కుతున్న ఈ మూవీ పరిటాల రవి కథలా వుంటుందని సమాచారం.

ఇక పరిటాల రవిని కిడ్నాప్ చేస్తే, ఆయన భార్యగా సునీత ఎలా స్పందించి, ఎలా పోరాడారన్నది, అసలు పరిటాల రవి లాంటి క్యారెక్టర్ ను ఎందుకు కిడ్నాప్ చేసారన్నది అసలు కథ అని వినికిడి. అందుకే యన్టీ పవర్ ఫుల్ రోల్ లో చేయాలంటే ఒక్క రమ్యకృష్ణ అయితేనే చేయగలగదని ఆమెను ఖరారు చేశారట. పవన్ మల్లెల దర్శకత్వంలో తెరకెక్కుతున్న ఈ మూవీ ఇప్పటికే షూటింగ్ అంత పూర్తి చేసుకున్నట్లు సమాచారం. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ మూవీ ని నవంబర్ నెలలో ప్రేక్షకుల ముందుకు తీసుకరాబోతున్నారు.