కోదండ‌రామ్ హౌస్ అరెస్ట్.. కార‌ణం అదే!

తెలంగాణ రాజకీయ ఐక్యకార్యాచరణ సమితి చైర్మన్ ఆచార్య కోదండరామ్‌తో సహా పలువురిని పోలీసులు ముందస్తుగా హౌస్ అరెస్టు చేశారు పోలీసులు. కాగా, ఇవాళ జ‌న‌గామ‌లో ఆరో విడ‌త అమ‌ర‌వీరుల స్ఫూర్తి యాత్ర‌ను చేప‌ట్టేందుకు టీజేఏసీ నిర్ణ‌యించిన విష‌యం విధిత‌మే. ఈ నేప‌థ్యంలో అల్ల‌ర్లు చెల‌రేగుతాయ‌న్న నేప‌థ్యంలో ఈ రోజు(శ‌నివారం) ఎలాంటి సంఘటనలు జరగకుండా ఉండేందుకు పోలీసులు వారిని హౌస్ అరెస్టు చేశారు.

తెలంగాణ కోసం ప్రాణాల‌ర్పించిన అమ‌ర వీరుల గొప్ప‌త‌నాన్ని ప్ర‌జ‌ల‌కు చాటి చెప్పాల‌నే ఉద్దేశంతోనే తాము స్ఫూర్తియాత్ర‌ చేస్తున్నామని కోదండరామ్ ఈ సందర్భంగా అన్నారు. తమను హౌస్ అరెస్టు చేయడం బాధాకరమన్నారు. త‌మ‌కు తెలంగాణ అమ‌ర‌వీరుల గొప్ప‌త‌నాన్ని చాటి చెప్పే హక్కు లేదా? అని ప్రశ్నించారు.