సాయిపల్లవి టెంప్ట్ అవ్వ‌డంలేదా..!

శేఖ‌ర్ క‌మ్ముల సెన్షేష‌న్.. ఫిదా సినిమాలో భానుమతి పాత్రలో సాయిపల్లవి జీవించిన తీరు ఆమెకు తెలుగు రాష్ట్రాల్లో విపరీతమైన క్రేజ్‌నే తెచ్చిపెట్టింది. ఈ సినిమా తర్వాత బడా బడా తెలుగు దర్శక నిర్మాతలంతా సాయిపల్లివి కోసం ఎంతో ప్రయత్నించినప్పటికీ ఆమె ఎవరినీ కనికరించలేదుట‌. ఆఖరికి భారీ స్థాయిలో రెమ్యూనరేషన్లు ఆఫర్ చేసినా ఆమె టెంప్ట్ అవ్వలేదు. దీంతో ఆమెకు అసలు తెలుగు సినిమాలు చేసే ఉద్దేశమే లేదని ఫిల్మ్‌న‌గ‌ర్‌లో ప్రచారం జరుగుతోంది.

ప్రస్తుతం సాయి పల్లవి నాని హీరోగా వేణుశ్రీరామ్ దర్శకత్వంలో రూపొందుతున్న మిడిల్‌క్లాస్ అబ్బాయి చిత్రంలో హీరోయిన్‌గా నటిస్తోంది. ఇది కూడా, ఫిదా రిలీజ్‌కు ముందే ఆమె ఒప్పకుంది. ఫిదా రిలీజ్ తర్వాత ఆమె తెలుగులో ఇప్పటిదాకా ఒక్క సినిమా కూడా ఒప్పుకోలేదు. అయితే, తమిళంలో మాత్రం కరు.. మారి 2 సినిమాలను ఒప్పుకుంది. అయితే సాయిపల్లవి రెగ్యులర్ హీరోయిన్ల టైప్ కాదని.. ఆమెకు పారితోషకానికి అంత ప్రాధాన్యత ఇవ్వదని.. తనకు సబ్జెక్ట్ నచ్చితేనే ఆమె సినిమా చేస్తుందని.. బహుశా ఆమెను ఇంప్రెస్ చేసే సబ్జెక్ట్స్ తెలుగు దర్శక నిర్మాతలు చెప్పి ఉండకపోవచ్చని సినీ వర్గాలు అభిప్రాయపడుతున్నాయి.