రాజు గారి గది-2.. జెన్యూన్ షార్ట్ రివ్యూ..!

బుల్లితెర పై పాపుల‌ర్ అయిన ఆట ప్రోగ్రాంతో ఫేమ్ అయిన ఓంకార్ ద‌ర్శ‌కుడిగా మారి తొలి ప్ర‌య‌త్నంలోనే రాజుగారి గ‌ది చిత్రంతో సంచ‌ల‌న విజ‌యం సాధించారు. ఇప్పుడు తాజాగా.. రాజుగారి గదికి సీక్వెల్‌గా రూపొందిన చిత్రం రాజుగారి గది-2. కింగ్ నాగార్జున , సమంత , సీరత్ కపూర్ ప్రధాన పాత్రల్లో నటించిన ఈ మూవీ భారీ అంచనాల మధ్య ఈరోజు ప్రేక్షకుల ముందుకు వచ్చింది. హర్రర్ కామెడీ నేపథ్యం లో ఈ మూవీ తెరకెక్కడం , నాగార్జున మెంటలిస్ట్ గా, సమంత ఆత్మ గా కనిపించడం తో ఈ మూవీ ఎలా ఉండబోతుందా అనే ఆసక్తి సినీ జనాల్లో నెలకొని ఉంది. మరి వారి ఆసక్తి ని రాజుగారు ఎలా తీర్చారనేది ఈ షార్ట్ రివ్యూ ద్వారా చూద్దాం..

ఓ ఆత్మ చుట్టూ సాగే కథనే ఈ రాజాగారి గది 2 . ఓ ఇంట్లో సమంత చనిపోయి ఆత్మగా తిరుగుతుంటుంది. అదే ఇంట్లోకి నలుగురు ఫ్రెండ్స్ అశ్విన్, సీరత్ కపూర్, వెన్నెల కిశోర్, షకలక శంకర్‌ వెళ్లతారు. రోజు రాత్రి కాగానే రకరకాల శబ్దాలతో ఆ ఇల్లంతా భయంకరంగా ఉంటుంది. దీంతో ఎదుటి వ్యక్తి ని చూసి తన మనసులో ఏమనుకుంటున్నాడో యిట్టె చెప్పగల మానసిక వైద్యుడైన నాగార్జున ను పిలిపిస్తారు. ఆ ఇంటిలో ఆత్మ ఉన్నట్టు అయన గుర్తిస్తారు. దీంతో ఆ ఆత్మను బయటకు పంపే క్రమంలో అసలు సమంత ఎందుకు చనిపోయింది. ఆత్మగా ఎందుకు మారింది. ఆ ఇంట్లో ఎందుకు ఉంది.. అనే రహస్యాలను సెకండ్ హాఫ్ లో వస్తాయి..మరి చివరకు ఆత్మ ఆ ఇంటి నుండి బయటకు వెళ్లిందా.. లేదా అనేది మీరు స్క్రీన్ ఫై చూడాలి.

సమంత నటన సినిమాకే హైలైట్‌.. సెకండాఫ్‌లో ఆమె ఫ్లాష్ బ్యాక్ వస్తుంది. అందులో ఆమె పండించే ఎమోషన్స్ సీన్స్ ప్రేక్షకులను విపరీతంగా ఆకట్టుకుంటాయి. అలాగే నాగార్జున-సమంత మధ్య వచ్చే సీన్‌లు అక్కినేని అభిమానులతో పాటు ప్రేక్షకులను బాగా ఆకట్టుకుంటాయి. ఇక ఈ చిత్రంత‌లో సీరత్ కపూర్ గ్లామర్‌తో ఆక‌ట్టుకోగా.. వెన్నెల కిశోర్, షకలక శంకర్‌ కామెడీ నవ్వులు పోయిస్తుంది. గెస్ట్ రోల్‌లోకాజల్ అదిరిపోయింది. గ్రాఫిక్స్ అయితే సినిమాను ఓ స్థాయికి తీసుకెళ్లాయి. ఓంకార్ డైరెక్షన్ మ‌రోసారి ఆక‌ట్టుకుంది.. కామెడీతో భయం పుట్టించే కథ రాసుకొని మరోసారి సక్సెస్ అయ్యాడు. థమన్ బ్యాక్ గ్రౌండ్ మ్యూజిక్ సినిమాకి ప్రాణం పోయ‌గా.. పివిపి నిర్మాణ విలువలు బాగున్నాయి.