జ‌బ‌ర్ద‌స్త్ ర‌ష్మీ అవుట్‌.. రియ‌ల్ స్టోరీ..!

సోష‌ల్ మీడియాలో ఒక వారం రోజుల నుండి బుల్లి తెర‌కు సంబంధించిన ఒక వార్త హాట్ టాపిక్‌గా మారింది. బుల్లితెర హాట్ కామెడీ షో ఎక్స్‌ట్రా జ‌బ‌ర్ద‌స్త్ నుంచి ర‌హ్మీ గౌత‌మ్‌ని తీసేసి బిగ్‌బాస్ ఫేం హ‌రితేజ‌ని తీసుకుంటున్నారనే వార్త‌లు ర‌చ్చ ర‌చ్చ చేసాయి. ఇక చాలా కాలంగా ఎక్స్‌ట్రా జ‌బ‌ర్ద‌స్త్ కు ర‌ష్మీ యాంక‌రింగ్ చేస్తున్న నేప‌థ్యంలో జ‌నాల‌కు బోర్ కొట్టేసిందని.., దీంతో ఆమెను మార్చాల‌ని మ‌ల్లెమాల టీమ్ డిసైడ్ అయ్యింద‌నట‌.

ఇక ఆమె స్ధానంలో బిగ్‌బాస్‌తో మంచి క్రేజ్ సంపాదించిన హ‌రితేజ ఈ షోకి ప‌ర్‌ఫెక్ట్‌గా సెట్ అవుతోంద‌ని.. మ‌ల్లెమాల యూనిట్ భావిస్తున్నార‌ని పుకార్లు షికార్లు చేసాయి. అయితే తాజాగా మల్లెమాల టీమ్ నుంచి అందుతున్న విశ్వసనీయ సమాచారం ఏంటంటే.. ఇవ‌న్నీ కేవలం రూమర్స్ అని, ఒకదానికి మరొకటి అల్లి ప్రచారంలోకి తెచ్చిందే తప్ప మరేమీ కాదని తెలుస్తోంది. ర‌ష్మీ యాంక‌రింగ్‌తో వారు సంతృప్తిగానే ఉన్నారని, అనసూయ, రష్మీల‌ను ఇప్పుడిప్పుడే తొలగించే ఆలోచన లేదని తేల్చేసార‌ని స‌మాచారం.