అమీ జాక్స‌న్‌.. స్ట‌న్నింగ్‌ ఫస్ట్ లుక్..!

ప్రముఖ దర్శకుడు శంకర్ దర్శకత్వంలో తమిళ సూపర్‌స్టార్ రజినీకాంత్ నటిస్తున్న తాజా చిత్రం 2.0. అక్షయ్‌కుమార్, అమీ జాక్సన్ ప్రధాన పాత్రల్లో వస్తున్న ఈ మూవీ ఫస్ట్ లుక్‌ను చిత్రయూనిట్ ఇదివరకే విడుదల చేసింది. ఆ పోస్టర్ లో సూపర్ స్టార్ రజినీకాంత్, అక్ష‌య్ కుమార్ ఉన్నారు. భారీ బడ్జెట్‌తో తెరకెక్కుతున్న ఈ మూవీకి ఏఆర్ రెహమాన్ సంగీతాన్ని అందిస్తున్నారు. సూపర్ హిట్ చిత్రం రోబో సినిమాకు సీక్వల్‌గా తెరకెక్కుతున్న సినిమా 2.0 కావటంతో సినిమాపై మంచి అంచనాలే ఉన్నాయి. దాంతో ఈ సినిమా విషయమై రకరకాల టాపిక్స్ నడుస్తున్నాయి. ఫలానా క్యారక్టర్ ఫలానా విధంగా ఉండబోతోందని, ఈ సినిమా కథ ఇదేనంటూ మీడియాలో వార్తలు వస్తున్నాయి.

ఇక అత్యంత భారీ బడ్జెట్ తో వస్తున్న ఈ క్రేజీ ప్రాజెక్టులో అమీజాక్సన్ ఫీమేల్ లీడ్ పోషిస్తున్నది. తాజాగా అమీజాక్సన్ పై వచ్చే సన్నివేశాలను షూట్ చేయనుంది శంకర్ అండ్ టీం. ఇందుకోసం అమీజాక్సన్ సెట్స్ లో జాయిన్ అయింది. ఈ సందర్భంగా అమీ జాక్సన్ పోస్టర్ ను ట్విట్టర్ ద్వారా డైరెక్టర్ శంకర్ రిలీజ్ చేశారు. ఈ పోస్టర్ చూసిన మీడియా ఈ సినిమాలో అమీ జాక్సన్ పాత్రపై ఓ అంచనాకు వచ్చేసింది. ఈ సినిమాలో అమీ..రోబో పాత్ర పోషిస్తోందంటూ కథనాలు ప్రసారం చేస్తోంది. అయితే కథపై ఓ అంచనాకు రాకూడదనే కావాలనే ఈ ఫొటోని శంకర్ టీమ్ వ్యూహాత్మకంగా రిలీజ్ చేసినట్లు తమిళ సిని వర్గాలు అంటున్నాయి.