స్పైడర్ కు తగ్గని కలెక్షన్ల వర్షం ..రికార్డ్లను బ్రేక్ చేస్తోన్న మహేష్ మూవీ ..

ప్రముఖ దర్శకుడు మురుగదాస్ దర్శకత్వంలో టాలీవుడ్ స్టార్ హీరో ప్రిన్స్ మహేశ్‌బాబు హీరోగా నటించిన లేటెస్ట్ మూవీ స్పైడర్‌కు రికార్డు కలెక్షన్లు వస్తున్నాయి అని చిత్రం యూనిట్ ప్రకటించాయి . మొదటిగా ఈ మూవీ కి బాగోలేదని టాక్ వచ్చిన కానీ కలెక్షన్ల జోరు ఏమాత్రం తగ్గలేదు. అందాల రాక్షసి రకుల్‌ప్రీత్‌ సింగ్ హీరోయిన్‌గా, ప్రముఖ దర్శకుడు ఎస్‌జే సూర్య, ప్రేమిస్తే భరత్, విలన్లుగా నటించిన ఈ సినిమా ప్రపంచ వ్యాప్తంగా పోయిన నెల సెప్టెంబర్ 27న విడుదలయింది.

బాహుబలి తర్వాత ఓవర్సీస్‌లో అత్యధిక స్క్రీన్లలో విడుదలయిన ఈ సినిమా ప్రీమియర్ల ద్వారానే ఒక మిలియన్ డాలర్ మార్కును దాటేసింది. మొన్న గురువారం వరకు ఓవర్సీస్‌లో ఈ సినిమాకు వచ్చిన కలెక్షన్ల వివరాలను సినీ విశ్లేషకుడు తరణ్ ఆదర్శ్ ట్వీట్ చేస్తూ గురువారం వరకు మొత్తం 9 కోట్ల 86 లక్షల రూపాయలను కలెక్ట్ చేసింది అని ట్వీట్ చేశాడు .అంతే కాకుండా మొత్తం 11 రోజుల్లో 150 కోట్ల రూపాయలను కలెక్ట్ చేసినట్లు అఫిషియల్ పోస్టర్‌ను ఈ చిత్ర బృందం విడుదల చేసింది.