యంగ్ పేసర్ జస్ప్రిత్ బూమ్రా రికార్డు ..

టీమిండియా ,ఆసీస్ ల మధ్య నిన్న రాంచీలో జరిగిన తోలి ట్వంటీ ట్వంటీ మ్యాచ్ లో టీంఇండియా 9 వికెట్ల తేడాతో ఘన విజయం సాధించిన సంగతి తెలిసిందే. వర్షం అంతరాయం కారణంగా డక్ వర్త్ లూయిస్ పద్ధతి ప్రకారం నిర్దేశించబడ్డ లక్ష్య ఛేదనలో వికెట్ మాత్రమే కోల్పోయి విజయాన్ని అందుకుంది.ఈ సందర్భంగా టీం ఇండియా యంగ్ పేసర్ జస్ప్రిత్ బూమ్రా అరుదైన ఘనతను సొంతం చేసుకున్నాడు.

ట్వంటీ 20ల్లో అత్యధిక వికెట్లు సాధించిన రెండో టీమిండియా బౌలర్ గా బూమ్రా గుర్తింపు సాధించాడు. ఆస్ట్రేలియాతో జరిగిన తొలి టీ 20లో రెండు వికెట్లు సాధించిన బూమ్రా ఈ ఫార్మాట్ లో 36వ వికెట్ ను తన ఖాతాలో వేసుకున్నాడు. ఈ క్రమంలోనే టీ 20లో భారత తరపున అత్యధిక వికెట్లను తీసిన రెండో బౌలర్ గా గుర్తింపు పొందాడు. ట్వంటీ 20ల్లో నెహ్రా సాధించిన వికెట్లు 34 ను బూమ్రా దాన్ని అధిగమించి ఆ స్థానాన్ని ఆక్రమించాడు.మరోవైపు టీమిండియా నుంచి టీ 20ల్లో అత్యధిక వికెట్లు సాధించిన బౌలర్ రవిచంద్రన్ అశ్విన్. పొట్టి ఫార్మాట్ లో అశ్విన్ 52 వికెట్లను తీసి టీంఇండియా తరపున అగ్రస్థానంలో కొనసాగుతున్నాడు.