మరో ఐదు రోజులు భారీ వర్షాలు..

తెలంగాణపై ఏర్పడిన ఉపరితల ఆవర్తనం ప్రభావంతో వచ్చే ఐదు రోజులు రాష్ట్రవ్యాప్తంగా వానలు కురిసే అవకాశం ఉన్నట్టు హైదరాబాద్ వాతావరణ కేంద్రం తెలిపింది. ఉత్తర మధ్య బంగాళాఖాతంలో ఏర్పడిన అల్పపీడనం మరో 48 గంటల్లో బలపడే అవకాశం ఉన్నదని, ఉపరితల ఆవర్తనానికి అల్పపీడన ప్రభావం తోడైతే రాష్ట్రవ్యాప్తంగా ఆది, సోమవారాల్లో భారీ వర్షాలు కురిసే అవకాశం ఉన్నదని పేర్కొన్నారు. ఈ నెల 15 వరకు ఈశాన్య రుతుపవనాలు రాష్ట్రంలో ప్రవేశించే అవకాశం ఉన్నదని వివరించారు.