డ్ర‌గ్స్ కేసులో టీడీపీ ఎమ్మెల్యే మ‌న‌వుడు అరెస్ట్‌.. చిక్కుల్లో ర‌వితేజ‌..!

టీటీడీ మాజీ ఛైర్మన్ ఆదికేశవులు నాయుడు మనవడు..ప్ర‌స్తుత టీడీపీ ఎమ్మెల్యేగా ఉన్న సత్యప్రభ ల మనుమడు గీతా విష్ణు గంజాయి కేసులో పోలీసులు అరెస్టు చేశారన్న వార్త ఇప్పుడు హాట్ టాపిక్‌గా మారింది. బెంగుళూరులో ఆయనపై గంజాయి రవాణాకేసు నమోదు కాగా పోలీసులకు ఆయన లొంగిపోయారు. గీతా విష్ణు బెంగళూరులో ఓ యాక్సిడెంట్ చేశారు. పోలీసులు ఎంట్రీ ఇవ్వడంతో సీన్ మారిపోయింది. కారులో భారీ ఎత్తున గంజాయి దొరకడంతో.. పోలీసులు ఆతడ్ని విచారించారు. పోలీసుల విచారణలో గీతావిష్ణు చెప్పిన విషయాలు అందరినీ విస్మయానికి గురిచేశాయి. తనకు హీరో రవితేజ గంజాయి సరఫరా చేస్తాడని పోలీసులకు స్టేట్ మెంట్ ఇచ్చాడు. గతంలో కూడా చాలాసార్లు తనకు అవసరమైన గంజాయిని రవితేజ సరఫరా చేసేవాడని స్టేట్ మెంట్ ఇచ్చి ఒక్క‌సారిగా సంచ‌ల‌నం రేపాడు.

గంజాయి స్మగ్లింగ్‌లో రవితేజ పేరు రావడంతో ఒక్కసారిగా టాలీవుడ్ ఉలిక్కిపడింది. గతంలో కూడా చాలాసార్లు రవితేజ సోదరుల పేర్లు డ్రగ్స్ కేసుల్లో చాలాసార్లు వినిపించినా.. ఎక్కడా కూడా రవితేజ పేరు బయటకు రాలేదు. తెలంగాణలో డ్రగ్స్ కేసులో కూడా రవితేజను సాక్షిగానే విచారించామని సిట్ అధికారులు చెప్పారు. అయితే ఇప్పుడు రవితేజ గంజాయి సరఫరా చేశాడని కర్ణాటక పోలీసులకు ఆదికేశవులునాయుడు మనవడు గీతావిష్ణు చెప్పడంతో టాలీవుడ్ ఉలిక్కిపడింది. గీతావిష్ణు ఇచ్చిన స్టేట్ మెంట్ తో కర్ణాటక పోలీసులు రవితేజను విచారించేందుకు సిద్ధమవుతున్నట్టు సమాచారం. ఏ క్షణమైనా హైదరాబాద్ వచ్చి రవితేజను విచారించనున్నట్లు తెలుస్తోంది. లేదా ముందస్తు సమాచారం ఇచ్చి బెంగళూరులో విచారణకు హాజరుకావాలని నోటీస్ ఇచ్చే అవకాశం కూడా ఉన్నట్లు కనిపిస్తోంది. కొద్ది రోజుల క్రిత‌మే టాలీవుడ్‌ను ఊపేసిన డ్ర‌గ్స్ కేసులో విచార‌ణ‌కు హాజ‌రైన ర‌వితేజ మ‌రోసారి డ్ర‌గ్స్‌ కేసులో పోలీసుల ఎదుట హాజరుకావాల్సి ఉంటుందని చెప్ప‌డంతో మ‌రోసారి టాలీవుడ్ ఉలిక్కిప‌డుతోంది.