రష్మీతో డేటింగ్ చేయాలంటే..5000 సార్లు అలా చేస్తే చాలు..!

బుల్లితెర హాట్ కామెడీ జ‌బ‌ర్ధ‌స్త్ షోతో మంచి క్రేజ్ సంపాదించిన రష్మీ గౌత‌మ్‌.. అప్పుడ‌ప్పుడూ వెండితెర‌పై కూడా మెరుస్తోంది. అయితే వెండితెర పై ర‌ష్మీకి ఇంకా బ్రేక్ రాలేద‌నే చెప్పాలి. గ‌తంలో గుంటూర్ టాకీస్ చిత్రంలో హాట్ షో చేసిన ర‌ష్మీ మ‌ళ్ళీ కొంత గ్యాప్ త‌ర్వాత నటిస్తున్న‌ సినిమా నెక్స్ట్ నువ్వే. ఈటీవీ ప్రభాకర్ దర్శకత్వంలో ఆది సాయికుమార్ హీరోగా నటించిన ఈ చిత్రం నిర్మాణాంతర పనుల్లో బిజీగా ఉంది. ఇక రష్మీ అప్పుడే ఆ సినిమా ప్రమోషన్స్ మొదలుపెట్టింది. ఆ క్రమంలోనే ఓ ఇంటర్వ్యూలో తన డేట్ చేయాలనుకుంటున్న అబ్బాయిలో ఎలాంటి క్వాలిటి కోరుకుంటున్నారు అనే ప్రశ్నకు సమాధానంగా తన సినిమాని (నెక్స్ట్ నువ్వే) 5000 సార్లు చూస్తే సరిపోతుంది, తాను డేటింగ్ కి రెడీ అనేసింది. రష్మీ ఇలా అనేసిందో లేదో, అల్రెడి ట్విట్టర్ లో కుర్రాళ్ళు 5000 టికెట్లకి ఎంత ఖర్చు అవుతుంది అంటూ లెక్కలు వేయడం మొదలుపెట్టింది. వారి చేష్టలకు రష్మీ తెగ మురిసిపోతోంది. మరి రష్మీ మొదలుట్టిన ఈ వింత ప్రమోషన్ ఈ సినిమాకి ఎలా ఉపయోగపడుతుందో చూడాలి.