రేపు రెండు లాజిస్టిక్ పార్కులకు మంత్రి కేటీఆర్ శంకుస్థాపన…!

హైదరాబాద్ నగర శివార్లోని బాటా సింగారం, మంగళంపల్లిలో లాజిస్టిక్ పార్కులకు  రాష్ట్ర పురపాలక శాఖ మంత్రి కేటీఆర్  రేపు శంకుస్థాపన చేయనున్నారు. హైదరాబాద్ మహానగర అభివృద్ధి సంస్థ( HMDA) ఆధ్వర్యంలో ప్రజలు, ప్రభుత్వ భాగస్వామ్యంతో ఈ పార్కులను ఏర్పాటు చేయనున్నారు. హయత్ నగర్ మండలంలోని బాటా సింగారంలో 35 కోట్ల వ్యయంతో 40 ఎకరాల్లో ఈ పార్కును సకల సౌకర్యాలతో నిర్మించనున్నారు. అలాగే ఇబ్రహీంపట్నం మండలంలోని మంగళంపల్లిలో 20 కోట్ల రూపాయల వ్యయంతో 22 ఎకరాల్లో కూడా అన్ని వసతులతో లాజిస్టిక్ పార్కు ఏర్పాటుకు రేపు శ్రీకారం చుట్టనున్నారు. అంకాన్ డిజైన్లతో HMDA ఈ రెండు పార్కులను రెండేళ్లలో ఆకర్షనీయంగా రూపొందించనుంది.  ఈ పార్కుల్లో  వసతి గృహాలు, హోటళ్లు, డాబాలు, ప్రాథమిక ఆరోగ్య కేంద్రం, కమర్షయల్ కాంప్లెక్స్, పెట్రోల్ బంక్, వాహనాల పార్కింగ్, వెర్ హౌసింగ్ లతో అన్ని వసతులు కల్పించనున్నారు.