తెలంగాణ కాంగ్రెస్ మాజీ ఎమ్మెల్యే మృతి ..!

తెలంగాణ రాష్ట్రంలోని రంగారెడ్డి జిల్లాకు చెందిన కాంగ్రెస్ పార్టీ సీనియర్ నాయకులు ,మాజీ ఎమ్మెల్యే కన్నుమూశారు .గతంలో జిల్లాలో ఇబ్రహీం పట్నం అసెంబ్లీ నియోజక వర్గం నుండి కాంగ్రెస్ పార్టీ తరపున 1972-78మధ్య కాలంలో ఎమ్మెల్యేగా గెలిచిన నాయిని అనంతరెడ్డి కన్నుమూశారు .

నాయిని గ్గత కొంతకాలంగా తీవ్ర అనారోగ్యంతో బాధపడుతున్న ఆయన హైదరాబాద్ మహానగరంలోని ప్రముఖ వైద్య ఆస్పత్రిలో నిన్న ఉదయం 8.30గంటలకు తుది శ్వాస విడిచారు .రాజకీయ సిద్ధాంతాలకు కట్టుబడిన ఆయన ఏనాడూ వివాదాలకు తావు ఇవ్వకుండా మచ్చలేని నాయకుడిగా పేరు తెచ్చుకున్నాడు .

కమ్యునిస్టు భావజాలంతో ఆయన రాజకీయ ప్రస్థానం మొదలైంది .అనంతరం ఆయన కాంగ్రెస్ పార్టీలో చేరి కడదాకా ఆయన ఆ పార్టీలోనే కొనసాగారు .మాజీ ముఖ్యమంత్రి దివంగత కోట్ల విజయభాస్కర్ రెడ్డి హయంలో హైదరాబాద్ కో ఆపరేటివ్ అసోసియేషన్ చైర్మన్ గా పని చేశారు .