ప్రైవేట్ ట్రావెల్స్‌లో ద‌ర్జాగా స్పైడ‌ర్ మూవీ.. చివ‌రికి..!

టాలీవుడ్ సూప‌ర్ స్టార్ మహేష్ బాబు, మురుగదాస్ కాంబినేషన్ లో సెప్టెంబర్ 27 న ప్రేక్షకుల ముందుకు వచ్చిన స్పైడర్ మూవీ అప్పుడే ప్రైవేటు ట్రావెల్స్ బస్సులో ప్రదర్శన అవడం అందరికి షాక్ ఇచ్చింది. గుంటూరు నుంచి వైజాగ్ వెళ్తున్న వెంకటరమణ ప్రైవేట్‌ ట్రావెల్స్‌ బస్సులో స్రైడర్‌ సినిమాను ప్రదర్శించారు. దీంతో ఓ మహేష్ అభిమాని పోలీస్‌ కంట్రోల్‌ రూమ్‌కి సమాచారం ఇచ్చాడు. రంగంలోకి దిగిన పోలీసులు గన్నవరం గాంధీబొమ్మ కూడలి వద్ద జాతీయ రహదారిపై బస్సును ఆపి తనిఖీ చేశారు. ప్రయాణికులను ప్రత్యామ్నాయ మార్గాల ద్వారా పంపించివేసి బస్సును గన్నవరం పోలీస్‌స్టేషన్‌కు తరలించారు. భారీ అంచనాల మధ్య రిలీజ్ అయినా ఈమూవీ మొదటి షో తోనే డివైడ్ టాక్ రావడంతో మహేష్ అభిమానులు తీవ్రంగా నిరాశ చెందారు. కొన్ని ఏరియాల్లో అయితే సినిమా ప్లాప్ టాక్ కూడా వచ్చింది. దీంతో రెండో రోజు కలెక్షన్స్ భారీగా పడిపోయాయి. ఇలాంటి తరుణం లో సినిమా పైరసీ కావడం అభిమానులను మరింతగా భాదపెడుతుంది. మరో పక్క చిత్ర బయ్యర్స్ సైతం పెట్టిన పెట్టుబడి వస్తుందో రాదో అని ఖంగారు పడుతున్నారు.