భార్య వదిలేసిందని.. ఇతడిలా ఎవ్వరు ఇలా చేయలేదు

భార్యను అనుమానించి, కొట్టానన్న పశ్చాత్తాపంతో తీవ్ర మనోవేదనకు గురైన ఓ భర్త అతి భయంకరమైన బ్లాక్‌ మాంబా పాముతో కాటేయించుకున్నాడు. అంతటితో ఆగకుండా పాము కాటేస్తున్న సమయంలో వీడియో తీసి దానిని సోషల్‌మీడియాలో లైవ్‌ స్ట్రీమ్‌ ఇచ్చాడు. ఈ ఘటన రష్యాలో చోటుచేసుకుంది.
వివరాల్లోకెళితే.. రష్యాకి చెందిన అర్స్‌లాన్‌ వాలీవ్‌ అనే వ్యక్తి స్థానిక జూలో పనిచేస్తుంటాడు. కొంతకాలంగా తన భార్య ఇకాటెరినా మరొకరి స్నేహంగా ఉండటంతో ఆమెని అనుమానించాడు. ఈ నేపథ్యంలో చాలా సార్లు ఆమెపై చేయిచేసుకున్నాడు. అది భరించలేక ఇకాటెరినా వాలీవ్‌కి విడాకులు ఇచ్చి వేరొకరిని పెళ్లి చేసుకుంది.

ఆ తర్వాత తన భార్య ఎలాంటి తప్పు చేయలేదని తెలుసుకుని తెగ బాధపడిపోయాడు వాలీవ్‌. వెళ్లిపోయిన భార్య ఎటూ తిరిగి రాదని భావించి చనిపోవాలనుకున్నాడు. ఇందుకోసం తాను పనిచేస్తున్న జూలో ఉన్న బ్లాక్‌ మాంబా పాముతో చేతిపై కాటువేయించుకుని ఆ వీడియోను సోషల్‌మీడియాలో పోస్ట్‌ చేశాడు.
‘ఈ వీడియో చూసినవారంతా నా భార్య అంటే నాకు చాలా ఇష్టమన్న విషయం తనకు చెప్పండి. అందరికీ గుడ్‌బై. నాకు ఇలా జరుగుతోందంటే నమ్మలేకపోతున్నాను’ అని వీడియోలో చెప్పాడు. ఆ తర్వాత కొద్దిసేపటికేవాలీవ్‌ కళ్లు ఎర్రగా మారిపోయి పక్షవాతం వచ్చినవాడిలా అయిపోయాడు.ఈ వీడియో చూసిన కొందరు వెంటనే అంబులెన్సుకు ఫోన్‌ చేశారు. వాలీవ్‌ని చికిత్స నిమిత్తం ఆస్పత్రికి తరలించగలిగారు కానీ, అతని ప్రాణాలు కాపాడలేకపోయారు.
ఆ తర్వాత ఈ విషయమై వాలీవ్‌ స్నేహితుడు ఫేస్‌బుక్‌లో ఓ పోస్ట్‌ పెట్టాడు. వాలీవ్‌ చనిపోవాలని ఇలా చేయలేదని ఏదో పొరపాటు జరిగిందని పేర్కొనడం గమనార్హం.