మహానుభావుడు ప్రీమియ‌ర్ షో.. పబ్లిక్ టాక్..!

టాలీవుడ్ యుత్ ఫుల్ డైరెక్ట‌ర్ మారుతి.. స‌క్సెస్ ఫుల్ యంగ్ హీరో శ‌ర్వానంద్ కాంబినేషన్‌లో తెర‌కెక్కిన మ‌హానుభావుడు చిత్రం ద‌స‌రాకానుక‌గా శుక్ర‌వారం ప్రేక్ష‌కుల ముందుకు వ‌చ్చింది. యు.వి.క్రియోష‌న్స్ బ్యాన‌ర్ లో వంశీ, ప్ర‌మొద్ లు సంయుక్తంగా తెరకెక్కిన ఈ మూవీ భారీ అంచనాల మధ్య విడుద‌ల అయ్యింది. అర్ధరాత్రి నుండే ఈ చిత్ర ప్రీమియర్ షోస్ సందడి చేయడం మొదలు పెట్టాయి. దీంతో చిత్ర పబ్లిక్ టాక్ త్వరగా బయటకు వచ్చేసింది. మారుతి గ‌త చిత్రం భలే భలే మగాడివోయ్ ప్లేవ‌ర్‌ తరహాలోనే ఈ సినిమా ఉంద‌ని.. ఆ మూవీలో నాని మతిమరుపుతో ఆకట్టుకుంటే , ఇందులో మాత్రం శర్వానంద్ (ఓసీడీ) అనే వింత వ్యాధి , అతి శుభ్రత తో ఆకట్టుకున్నాడు. ఏం చేసిన దానిలో శుభ్రత పాటిస్తాడు. చివరకు హీరోయిన్‌కు ముద్దు ఇవ్వాలన్న కూడా శుభ్రంగా ఉందా లేదా అనే అంత ఆలోచిస్తాడు. ఓవరాల్ గా సినిమా అంత కామెడీ , సెంటిమెంట్ , లవ్ ఇలా ఈ మూడు సమపాలనలో సాగుతుంది. థియేటర్స్ లోకి వెళ్లిన ప్రతి ప్రేక్షకుడు సినిమాను ఎంజాయ్ చేయవచ్చు. ముఖ్యంగా శర్వానంద్ , వెన్నెల కిషోర్‌ల మధ్య సాగే కామెడీ బాగా వర్క్ అయ్యింది. అలాగే హీరో, హీరో తల్లి మధ్య వచ్చే సెంటిమెంట్ కూడా బాగా ఆకట్టుకుంటుంది. దసరా బరిలో వచ్చిన ఈ మూవీ చక్కటి విజయం అందుకోవడంలో ఎలాంటి సందేహం లేదని పబ్లిక్ టాక్.