ఆ నటిపై లైంగిక దాడి చేస్తే.. రూ.3 కోట్లు ఆఫర్‌

సంచలనం సృష్టించిన మాలీవుడ్‌ నటి కిడ్నాప్‌, లైంగిక దాడి కేసులో ఆ పని చేయడానికి హీరో దిలీప్‌ నిందితులకు రూ.3 కోట్లు ఆఫర్‌ చేశాడని పోలీసులు కేరళ హైకోర్టుకు తెలిపారు. రేప్‌ చేస్తే కోటిన్నర ఇస్తానని, పొరపాటున పట్టుబడితే మరో కోటిన్నర ఇస్తానని దిలీప్‌ నిందితుడు పల్సర్‌ సునీల్‌తో ఒప్పందం చేసుకున్నాడని చెప్పారు. ఫిబ్రవరిలో అత్యాచారయత్నం జరగ్గా జూలైలో దిలీప్ ను అరెస్టు చేశారు. నలుగురు యువకులు ఆమె వాహనంలోకి చొరబడి రెండు గంటలపాటు నడుస్తున్న వాహనంలో ఆమెపై లైంగిక దాడికి పాల్పడ్డారు. సెల్‌ఫోన్లలో వీడియో చిత్రీకరించారు. ఇప్పటికి రెండుసార్లు దిలీప్‌ బెయిలు దరఖాస్తును కిందికోర్టు తోసిపుచ్చగా, మూడోసారి హైకోర్టును ఆశ్రయించాడు.