చిరంజీవికి నో చెప్పిన కాజ‌ల్‌.. కార‌ణాలు ఇవే..!

టాలీవుడ్ చంద‌మామ కాజ‌ల్ మెగా కాంపౌడ్‌లో మెగాస్టార్ చిరంజీవితో స‌హా ప‌వ‌న్‌, రామ్ చరణ్, అల్లు అర్జున్.. ఇలా టాప్-4 మెగా హీరోలతో సినిమాలు చేసింది. కావాలనుకుంటే ఆమెకు మళ్లీ ఛాన్స్ ఇవ్వడానికి రామ్ చరణ్ లాంటి హీరోలు రెడీ. అయితే కెరీర్ చివ‌రి ద‌శ‌లో ఉన్న కాజ‌ల్ సెలక్టివ్‌గా వెళుతోంది. ఎంత సెల‌క్టీవ్‌గా అంటే ఏకంగా చిరంజీవి సినిమా ఆఫర్ నే వద్దనుకుందట. తన 151వ సినిమాగా సైరా నరసింహారెడ్డి సినిమా చేస్తున్నారు చిరంజీవి. ఇంకా సెట్స్ పైకి వెళ్లని ఈ సినిమాలో హీరోయిన్ గా నయనతారను తీసుకున్నారు. మరో కీలకమైన పాత్ర కోసం (సెకెండ్ హీరోయిన్ కాదు) కాజల్ ను తీసుకోవాలని అనుకున్నారట. కానీ కాజల్ మాత్రం సైరాలో నటించేందుకు నో చెప్పిందట. కాజల్ కాదనడంతో ఆ పాత్రకు ప్రగ్యా జైశ్వాల్ ను తీసుకున్నట్టు తెలుస్తోంది. అయితే మరోసారి చిరంజీవి సరసన నటించేందుకు కాజల్ ఎందుకు నో చెప్పిందనే విషయంపై మాత్రం క్లారిటీ లేదు. ఇంతకుముందు చిరంజీవి ప్రతిష్టాత్మక 150వ సినిమాలో హీరోయిన్ గా నటించింది కాజల్.