ఎన్టీఆర్ పై మ‌రోసారి సంచ‌ల‌న వ్యాఖ్య‌లు చేసిన బండ్ల గ‌ణేష్..!

ఎన్టీఆర్ త్రిపాత్రాభినయం చేసిన జై లవకుశ చిత్రం బాక్సాఫీస్‌ వద్ద రికార్డు స్థాయిలో వసూళ్లను రాబడుతోంది. వారం రోజుల్లోనే ఏకంగా 100 కోట్లు క్లబ్‌లో చేరిపోయింది. ఈ చిత్రంలో ఎన్టీఆర్ వేరియేష‌న్ల‌లో చూపించిన నటనకు ప్రేక్ష‌కులు ఫిదా అయిపోతున్నారు. సినిమా విడుదల అయినప్పటి నుండి ఆయనపై ప్రసంసల జల్లు కురుస్తూనే వుంది. తాజాగా బ్లాక్ బస్టర్ నిర్మాత బండ్ల గణేష్ తారక్ పై పొగడ్తల వర్షం కురిపించారు. నిన్న రాత్రి జై లవకుశ చూశా. సినిమా చూశాక నాకు నిద్రపట్టలేదు.. ఎన్టీఆర్‌, ఎస్వీఆర్‌ల తర్వాత స్థానంలో తారక్ నిలుస్తాడు అన‌డంలో ఎటువంటి స‌దేహం లేదని.. ఆ స్థాయిలో అద్భుతంగా నటించిన మా బాద్‌షాకు హృదయపూర్వక ధన్యవాదాలు.. అంటూ ట్విట్ట‌ర్‌లో పేర్కొన్నారు బండ్ల‌ గణేశ్‌.