‘రాజా ది గ్రేట్‌’ చిత్రం అన్ని కోట్లకు అమ్ముడుపోయిందా

చాల రోజుల తరువాత రవితేజ హీరోగా అనిల్‌ రావిపూడి దర్శకత్వంలో తెరకెక్కుతున్న చిత్రం ‘రాజా ది గ్రేట్‌’. ఈ సినిమాలో ‘మాస్‌ మహారాజా’ అంధుడి పాత్రలో కనిపించనున్నారు. ఇటీవల విడుదల చేసిన ఈ సినిమా టీజర్‌కు విశేష స్పందన లభించింది. కాగా ఈ చిత్రం రీమేక్‌ హక్కులకు భారీ డిమాండ్‌ ఏర్పడినట్లు సమాచారం. హిందీ రీమేక్‌ హక్కులు రూ. 18 కోట్లకు అమ్ముడుపోయినట్లు బాలీవుడ్‌ వర్గాలు తెలిపాయి.
మెహరీన్‌ ‘రాజా ది గ్రేట్‌’లో కథానాయికగా నటిస్తున్నారు. శిరీష్‌ ఈ చిత్రానికి నిర్మాతగా వ్యవహరిస్తున్నారు. సాయికార్తీక్‌ స్వరాలు అందిస్తున్నారు. రవితేజ తనయుడు మహాధన్‌ దీనిలో బాలనటుడిగా పరిచయం కాబోతోన్నారు. ఈ చిత్ర షూటింగ్‌ తుదిదశకు చేరుకుంది. ప్రస్తుతం కేరళలో హీరో హీరోయిన్‌లపై ఓ పాటని చిత్రీకరిస్తున్నారు. దీపావళికి ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు.