వైఎస్‌ రాజారెడ్డి పాత్రలో జగపతిబాబు..మాజీ హోంమంత్రి సబితా ఇంద్రా రెడ్డి పాత్రలో

తెలుగు ఇండ‌స్ట్రీలో ప్ర‌స్తుతం రాజకీయ నేతల బ‌యోపిక్‌ హ‌వ న‌డుస్తుంది. ఆంధ్ర‌ప్రదేశ్ మాజీ దివంగత ముఖ్య‌మంత్రులు ఎన్టీఆర్‌, వైఎస్ఆర్ జీవిత క‌థ‌ల‌ను సినిమాగా తెర‌కెక్కిస్తున్న సంగ‌తి తెలిసిందే. అయితే వైఎస్ రాజశేఖర్ రెడ్డి బయోపిక్ పనులు ప్రస్తుతం శరవేగంగా జరుగుతున్నాయి. మాజీ దివంగత ముఖ్యమంత్రి వైఎస్ రాజశేఖర్ రెడ్డి జీవితాధారంగా ‘యాత్ర’ అనే సినిమా తెరకెక్కుతున్న సంగతి తెలిసిందే. మలయాళ సూపర్‌స్టార్‌ మమ్ముట్టి టైటిల్‌ రోల్‌ పోషిస్తున్నారు. ‘ఆనందో బ్రహ్మ’ దర్శకుడు మహి వి.రాఘవ్‌ ఈ సినిమాను తెరకెక్కిస్తున్నారు. 70 ఎమ్‌ఎమ్‌ ఎంటర్‌టైన్‌మెంట్స్‌ పతాకంపై విజయ్‌ చిల్ల, శశి దేవిరెడ్డి నిర్మిస్తున్నారు.

see also:ఓటుకు నోటు కేసుకు భయపడి హైదరాబాద్‌ నుంచి పారిపోయిన పిరికిపంద చంద్రబాబు

అయితే ఇందులో వైఎస్సార్‌ తండ్రి వైఎస్‌ రాజారెడ్డి పాత్రలో విలక్షణ నటుడు జగపతిబాబు నటించనున్నట్లు టాలీవుడ్‌ వర్గాల సమాచారం. ఇందులో రాజారెడ్డి పాత్రకు జగపతి సరిగ్గా సరిపోతారని భావించిన చిత్రబృందం ఆయన్ను సంప్రదించినట్లు తెలుస్తోంది. 1925లో పుట్టిన రాజారెడ్డికి రాయలసీమ ప్రజల్లో ఎంతో గౌరవం ఉంది. 1998లో సంభవించిన బాంబు దాడిలో రాజారెడ్డి కన్నుమూశారు. ఈ విషయాలన్నీ సినిమాలో ప్రస్తావించనున్నారట.

see also:ద‌్యావుడా..! ప‌గ‌వాడికి కూడా ఈ ప‌రిస్థితి రాకూడ‌దు..!

మరోపక్క ప్రముఖ యాంకర్‌ అనసూయ కర్నూలుకు చెందిన రాజకీయనాయకురాలి పాత్రను పోషిస్తున్నట్లు సమాచారం. మాజీ హోంమంత్రి సబితా ఇంద్రా రెడ్డి పాత్రలో సుహాసిని, వైఎస్సార్‌ కుమార్తె షర్మిళ పాత్రలో భూమిక నటిస్తున్నట్లు కొంతకాలంగా వార్తలు వెలువడుతున్నాయి. దీనిపై చిత్రబృందం నుంచి అధికారిక ప్రకటన రావాల్సి ఉంది. ఈ సినిమాను తమిళంలోనూ విడుదల చేయనున్నారు. హైదరాబాద్‌, ఆంధ్రప్రదేశ్‌లో చిత్రీకరణ జరుగుతోంది. డిసెంబర్‌లో కానీ వచ్చే ఏడాది జనవరిలో కానీ సినిమాను విడుదల చేసేందుకు సన్నాహాలు చేస్తున్నారు.

see also:ప్ర‌జా స‌మ‌స్య‌ల‌పై జ‌గ‌న్ పోరాటం ముందు.. మా క‌ష్టం దిగ‌దుడుపే :టాలీవుడ్ హీరో సంచ‌ల‌నం..!