ఉయ్యాల వాడ న‌ర‌సింహారెడ్డిపై వైర‌ల్ న్యూస్‌..!

టాలీవుడ్ మెగాస్ట‌ర్ చిరంజీవి. దాదాపు ప‌దేళ్ల‌పాటు సినీ ఇండ‌స్ట్రీకి దూరంగా ఉన్న మెగ‌స్టార్ చిరంజీవి రీ ఎంట్రీ ఇచ్చి ఖైదీ నెంబ‌.150 చిత్రంతో బ్లాక్ బ‌స్ట‌ర్ కొట్టాడు.అయితే, ఆ త‌రువాత స్వాతంత్య్ర స‌మరయోధుడు ఉయ్యాల‌వాడ న‌ర‌సింహారెడ్డి బ‌యోపిక్‌లో న‌టించేందుకు చిరంజీవి అంగీక‌రించిన విష‌యం తెలిసిందే. మెగా ప‌వ‌ర్ స్టార్ రామ్ చ‌ర‌ణ్ స్థాపించిన కొణిదెల ప్రొడ‌క్ష‌న్‌లో, ప్ర‌ముఖ ద‌ర్శ‌కుడు సురేంద‌ర్‌రెడ్డి ద‌ర్శ‌క‌త్వంలో దాదాపు రూ.150 కోట్ల బ‌డ్జెట్‌తో ఈ చిత్రం తెర‌కెక్కుతోంది.

అంతేకాకుండా, ఈ చిత్రంలో అటు బాలీవుడ్ నుంచి, కోలీవుడ్‌, మాలీవుడ్‌, శాండిల్‌వుడ్ త‌దిత‌ర సినీ ఇండ‌స్ట్రీల నుంచి బిగ్ బీ అమితాబ్‌, జ‌గ‌ప‌తి బాబు, విజ‌య్ సేతుప‌తి, సుదీప్ లాంటి ప‌ర‌ముఖ తారాగ‌ణం న‌టిస్తున్నారు. ఈ చిత్రాన్ని ఎలాగైన 2019 స‌మ్మ‌ర్‌లో రిలీజ్ చేసేందుకు చిత్ర యూనిట్ నిర్ణ‌యించింది. ఆ మేర‌కు చిత్ర షూటింగ్‌ను శ‌ర‌వేగంగా పూర్తి చేస్తున్నారు. అయితే, ఈ స‌మ్మ‌ర్‌లో వ‌చ్చిన రంగ‌స్థ‌లం, భ‌ర‌త్ అనే నేను, మ‌హాన‌టి వంటి చిత్రాలు ఎటువంటి విజ‌యాన్ని సాధించాయో ప్ర‌తీ ఒక్క‌రికి తెలిసిన విష‌య‌మే. అటువంటి వ‌సూళ్ల ప్ర‌భంజనాన్నే 2019 స‌మ్మ‌ర్‌లో రిపీట్ చేసేందుకు ఉయ్యాల‌వాడ న‌ర‌సింహారెడ్డి రెడీ అవుతున్నాడ‌న్న‌మాట‌.